خطط للسيطره على اطفالنا

السلام عليكم و رحمة الله.....
(السلام عليكم ورحمة الله وبركاته)

خطط للسيطرة على اطفالنا

.
.

الاطفال نعمة عظيمه لكن مسؤولية كبيره وراح نسأل عنهم يوم القيامه ...

لذلك نسعى دائما لتربيتهم تربية جيده ... الفائده لنا ولهم ..

..مين ماتبي عيالها مؤدبين ما يعذبوها ويشرفوها في كل مكان ويكون عندها اطفال محبوبين وبالتالي واثقين من انفسهم وناجحين

موضوعي يتلخص في طرق عملية لتعديل سلوك الطفل الغير مرغوب فيه ومحاولة خلق جو من الهدوء اثناء ذلك ..

تعديل سلوكه بدون صراخ وضرب وعنف ..لانه ما راح يجيب نتيجه ولو جاب راح تكون مؤقته

الاطفال عادة يحتاجون مننا دائما دائما دائما اننا نتبه لهم ..

الطفل يحتاج الى هذا الدعم المعنوي من خلال انتباهك لتصرفاته الجيده لو ما انتبهتي راح يستخدم معاك طريقة ثانيه وهي السلوك السيئ عشان تنتبهي حتى لو كان انتباهك له عن طريق التوبيخ والضرب ..تخيلوا هالاطفال المساكين

تعزيز أي سلوك يحتاج مننا فقط الثناء ..واعرفي انك لما تثني على السلوك راح يثبت اكثر في طفلك ...كأنها لوحة ثبتيها بمسامير!!

الثناء له اساليب وطرق ومحاذير ...نتطرق لها بالتفصيل ان شاء الله

مستحيل ما يصدر من طفلك سلوك سيء وقتها يحتاج الطفل منك الانتباه السلبي (التجاهل – التطنيش بالعامي)

وكمان هالتجاهل له طرق ومحاذير ...

بعد ما تتقني متى تمدحي ومتى تطنشي .. راح تزيد السلوكيات الجيده

وتقل السلوكيات الغير جيده

وتحتاجي كمان طرق تخلي طفلك متعاون اكثر في بعض الاشياء ..

مثل الطفل اللي يماطل في حل الواجبات ..

بعد ماتطبقي كل الاساليب لو بقي بعض السلوكيات ما نفع معاها شيء راح تحتاجي لخطوة اخيره تتعاملي مع الطفل فيها

والطريقة الاخيره لو استعملت بإفراط افقدت فعاليتها ...

التربيه بحرررر وكل يوم نتعلم شيء جديد .. يعني لا تبخلي على نفسك وعلى اطفالك بتعلم طرق تربويه جديده عليك ممكن تفيدك اكثر وتخلي حياتك اكثر هدوء مع اطفالك
اليى اللقاء مع موضوع جديد بخصوص الطفل
الى اللقاء في موضوع جديد بخصوص الطفل
تحياتي للجميع

.